Fastnachtsimpressionen 2026
Trotz durchwachsenen Wetters ließen es sich die Gurtweiler Narren nicht nehmen, ausgiebig zu feiern. Hier einige Impressionen aus diesem Jahr:
Salli zämme, liebe Lütt,
z’Gurtwiel fiered’ma d’Fasent hütt!
Mir sin grad s’Zentrum vo de Welt,
egal wa en schieche Trump verzählt.Ma sieht’s scho dra, dass mir hänt Gäscht,
us Maria Guggenheim, dem kliene Näscht.
Die sin wohl gflüchtet vor dem Dreck,
den d’Hoorig’ Mess hinterlosse hätt.Usderdem, so han i g‘hört,
isch de Friede dort sehr g’stört.
De Wucherzinsler Stefan Aust,
z‘Düenge jetzt in Freiheit haust.Mir freu’t uns aber über’s Koh,
und sin um jede Narre froh,
der eusren Umzug ä biz peppt,
und trotz Rege ä Freud dra hätt.Katzerölli und Schnurrewieber
Sehet’ma a de Fasnet wieder.
Und au d’Hansele sin wohlbekannt,
entlang vo Schlücht- und Wutachstrand.Mit Henker, Gricht und Rot dabei,
sin Narremutter und -bolisei.
Und dabei gämmer mit Bedacht,
uf d’Narrmutter bsunders Acht.Die hätt nämlich in Union,
au bi de Stadt ä Cheffunktion.
Sie söll no öppis springe lo,
für üsren Sitzungssaal in Gurtwiel do.Drum Dir, o „Susi Wohlgebohre“
will ich hütt völlig unverfrohre,
wünsche, dass it gieze musch,
wie de Beck im Narrespruch.Mir sind Euch wirklich tief verbunde,
dass Ihr hütt händ de Wäg au gfunde,
noch Gurtwiil und in d’Halle do,
drum Euch ä lutt’s – „Narri! (Narro)“Ihr werrets ma aber nit verdenke,
wenn i no schnell wett an Dank verschenke.
Ganz bsunders an die fließ’ge Lütt,
die g’schuffte hän – und zwar nit nur hütt.Ohne Pauli und die Nachtigalle,
gäb’s kei Deko in dere Halle.
Und nur wiel d‘Kirchechörler fließig sin,
git’s Kueche und au Koffein.D’Garwiide Wieble am Buffet,
d’Angler brote Fischfillet,
d’Bockers fordre s’Trommelfell,
und Let’s Fezz spielt au no schnell.D‘Alpin Katze und die Bieber
löschet hochprozentig durschtig‘s Fieber.
Hän genueg Aperol bereit
für paar Stund Geselligkeit.Im Umzug hämmer au mit gseh,
Caritas und SVG.
Und deshalb säg i frei und frank,
Euch allen – herzlich Dank!